اٹلی ( سی ایل نیوز ویب ڈیسک) دنیا بھر کے ٹک ٹاک سٹارز بول کر پیسہ کماتے ہیں مگر کیا آپ جانتے ہیں کہ ایک ایسا ٹک ٹاک سٹار بھی ہے جس نے خاموش رہ کر کروڑوں ڈالرز کما لئے۔ جی ہاں اسکا نام خبانے لیم ہے جسکی عمر محض 21 سال ہے اور وہ اٹلی میں رہتا ہے۔ خبانے افریقہ کے ملک سینی گال میں پیدا ہوا تاہم بعد ازاں اٹلی آگیا جہاں وہ کچھ عرصہ ملازمت کرتا رہا مگر اسے ملازمت سے نکال دیا گیا۔ خبانے کا کہنا ہے کہ ملازمت کے بعد میں فارغ رہتا تھا۔ پھر میں نے دوسری نوکری ڈھونڈھنے کے ساتھ ساتھ ایسی مزاحیہ ویڈیوز بنانی شروع کردیں اور دیکھتے ہی دیکھتے میرے فالوورز اتنے بڑھ گئے کہ مجھے اندازہ ہی نہیں تھا کہ لوگوں میں اتنا مقبول ہو جاؤں گا۔
خبانے کا کہنا ہے کہ میرا صرف ایک ہی خواب ہے کہ میں اپنی ماں کے لئے گھر بناؤں اور محنت کرکے اپنا نام بناؤں لیکن مجھے لگتا ہے کہ میری کم محنت بھی خدا کو شاید پسند آگئی ہے خبانے لیم کے اثاثوں کی مجموعی مالیت 1.3 ملین ڈالر اور 2.7 ملین ڈالر کے درمیان ہے جو پاکستانی 45 کروڑ روپوں تک بنتی ہے۔
ین الاقوامی ذرائع ابلاغ کے مطابق خبانے لیم کو عالمی وبا کورونا وائرس کی وجہ سے پیدا ہونیوالے بحران کے سبب نوکری سے برطرف کردیا گیا تھا جس کے بعد انہوں نے گھر میں ویڈیوز بنانا شروع کردیں
خبانے اپنی ویڈیوز میں زندگی کو مشکل بنا دینے والی چیزوں کا آسان حل بتاتے ہیں اور دلچسپ بات یہ ہے کہ یہ بغیر لفظ ادا کیے محض چہرے کے تاثرات سے ہی ویڈیو بناتے ہیں، اگر ہم یوں کہیں کہ ان کی وجہ شہرت ان کے چہرے کے تاثرات اور خاموشی ہے تو غلط نہ ہوگا۔
اس نے صرف خاموش رہ کر اپنے سوشل میڈیا اکاؤنٹس پر اتنے ڈھیروں فالوورز بنا لئے ہیں۔
اس کے ٹک ٹاک اکاؤنٹ پر 10 کروڑ جبکہ انسٹاگرام اکاؤنٹ پر فالوورز کی تعداد 3 ملین کے قریب ہے۔
