لاہور( حسنات احمد)
اسلامی جمعیت طلبہ کنگ ایڈورڈ میڈیکل یونیورسٹی کے زیر اہتمام سالانہ تین روزہ کتاب میلہ شرع ہو گیا ، کتاب میلہ کا افتتاح ناظمِ اعلٰی اسلامی جمعیت طلبہ پاکستان نے کیا ، کتاب میلے کے پہلے دن لاہور بھر سے میڈیکل کے طلبہ وطالبات نے شرکت کی ، اس موقع پر چیف آرگنائزر محمد فرحان ظفر کا کہنا تھا کہ کتاب میلے کا مقصد کتاب دوستی کے کلچر کو عام کرنا ہے ، اس سال تین روزہ بک فیر پر کتابوں کے اسٹالز ، فوڈ اسٹالز ، آرٹ گیلڑی ، مشاعرے ، میڈیا ٹالک شوز اور مختلف مقابلہ جات کا اہتمام کیا گیا ، اس موقع پر ناظم جامعہ شیراز علی کا کہنا تھا کہ اس کتاب میلے کا بنیادی مقصد نئی نسل کو کتاب پڑھنے کی طرف راغب کرنا ہے ، کتاب میلے کے ذریعے علم دوست معاشرے کا قیام ہوگا ۔ سوشل میڈیا کے بڑھتے ہوئے رجحانات کے پیش نظر اس طرح کی سرگرمیوں کا انعقاد ایک تازہ ہوا کے جھونکے کی مانند ہے۔
